Boss wa zamani wa Manchester United Sir Alex Ferguson amesisitiza kuwa anataka kumuona meneja wa sasa wa timu hiyo Luis Van Gaal akiipita rekodi yake klabuni hapo.
Kocha huyo ambaye ni raia kutoka Scotland alikusanya makombe 38 katika miaka 27 aliyoitumikia klabu hiyo kabla ya kuondoka mwaka 2013.
na pia aliweza kushinda makombe 11 akiwa katika nchi yake ya Scotland.
Sir Alex Ferguson anatajwa kuwa ni kocha mwenye mafanikio makubwa katika historia ya soka la nchini Uingereza.
Lakini kocha huyo amesisitiza kuwa anataka kuona rekodi yake ikifikiwa katika timu hiyo na kuongeza kuwa walikuwa na mwenendo mzuri wa mafanikio pindi alipokuwa pale na hivyo waliweza kushinda makombe mengi.
Hata hivyo kocha huyo amesema kuwa anatamani apatikane mtu ambaye ataweza kuvunja rekodi yake katika klabu hiyo,pia akasema
kocha yeyote atakaye kuja katika klabu hiyo na kushinda makombe mengi zaidi yake ni kitu pekee kitakachompa furaha na si kingine.
ferguson aliendelea kusema kuwa klabu hiyo inahitaji kuendelea kutengeneza historia kama ilivyokuwa mwanzo alikuwepo Sir Matt Busby
ambaye aliijenga timu hii katika miaka hiyo baada ya vita vya pili vya dunia na kuiongoza timu hiyo katika ushindi wake wa kwanza wa kombe la Ulaya mnamo mwaka 1968.na sasa anapenda apatikane mtu mwingine ambaye ataanzisha mbio ndefu za mafanikio kwa sababu hicho ndio kitu ambacho klabu hiyo inakihitaji.
Timu hiyo ambayo ipo chini kocha Luis Van Gaal ipo ugenini kucheza na Everton katika ligi kuu ya nchini Uingereza,
mchezo utakaopigwa siku ya jumapili.
0 comments :
Post a Comment