Justin Bieber aripotiwa kutimuliwa na walinzi nje ya maonyesho ya muziki ya Coachella wikiendi hii na hii ni kutokana na ripoti ya jarida moja nchini humo.
Mkali huyo wa muziki wa Pop alikamatwa kwa kujaribu kuingia kwenye maonyesho hayo kupitia mlango wanaongilia wasanii kipindi Drake anafanya shoo ambapo walinzi walimzuia kwa sababu eneo lile lilikuwa limejaa. Jarida hilo limeeleza kuwa Bieber alionyesha kadi yake ya kuingilia lakini walinzi hao bado hawakumruhusu kuingia . Nyota huyo pia alijaribu kuwaelezea walinzi hao kuwa Drake alimpa mwaliko binafsi na kama akienda kupita katika mlango wa kawaida atazongwa na mashabiki.
Baada ya mkanganyiko huo , mwimbaji huyo aliripotiwa kuwekwa katika eneo la ulinzi ambapo mmoja kati ya walinzi wa akiba alikuja na kumzuia.
msanii huyo pamoja na watu wake waliombwa kuondoka katika maonyesho hayo.
Kutokana na jarida hilo, vyanzo ambavyo vipo karibu na Justin Bieber vilisema kuwa msanii huyo aliondoka katika maonyesho hayo kwa matakwa yake binafsi.
Bieber alionekana mara nyingi akisherehekea siku za wikiendi na mrembo Kendall Jenner pamoja na Nelly katika maonyesho ya muziki ya California.
0 comments :
Post a Comment